The personal experience of Благуна и Кире from North Macedonia

Со голема емоција и благодарност ви пишуваме за да ви кажеме едно искрено благодарам од срце. Благодарение на вас, денес носиме во себе близначка бременост – нешто што долго го посакувавме и за кое понекогаш се плашевме дека ќе остане само сон.

Од првата видео консултација почувствувавме сигурност, разбирање и надеж. Во текот на целиот процес не бевме само пациенти – бевме луѓе на кои им се пристапува со внимание, трпение и човечка топлина. Секој преглед, секој разговор и секој чекор беа исполнети со поддршка и охрабрување, токму тогаш кога најмногу ни требаше.

Посебна и длабока благодарност му упатуваме на Dr. Giorgos Chorozoglou
за неговата стручност, мир и верба што ни ја влеа во секој момент. Со неговиот пристап ни даде сила да продолжиме и доверба дека сме во сигурни раце.

Од срце ѝ благодариме и на Елена Најдоска, координаторката за странски пациенти – нашата постојана врска, поддршка и утеха. Нејзината достапност, топол збор и разбирање беа светло во моменти на неизвесност и страв.

Успехот на вториот ембриотрансфер за нас е уште една потврда дека вербата, знаењето и човечноста одат заедно. Ова искуство, и покрај сите емоционални предизвици, засекогаш ќе го носиме како нешто прекрасно и длабоко значајно.

Ви благодариме што ни дадовте повеќе од медицинска помош – ни дадовте надеж, мир и најголемата радост. Со цело срце ќе ве препорачаме на секој што го бара својот пат кон родителството.